OISES AGEBOT ISCH EIFACH UND GUET ...EIFACH GUET!
Du planisch en Alass, e Party, en Geburri oder es Jubiläum.
Du häsch Lust uf bodeständigi Choscht.
Dänn bisch bi euis richtig, au mir liebed «Grosis Chuchi».
Wänn immer möglich mit regionale und absolut früsche Produkt.
Ohni E»s, Glutamat oder suscht versteckte Gschmacksverstärker.
Du schribsch euis e Nachricht, mir träffed euis, sitzed ane und schnapped eis.
Simmer euis sympathisch losemer sehr gern zue was füre Idee Du häsch.
Isch Dini Idee für euis machbar planemer Din Alass sehr gern nach Dine Vorstellige.
Mir händ scho dörfe Gäscht verpflege vo 20 bis über 1000 Lüüt, das In – wie Outdoor.
Mir choched au für z.B. Fussball – oder Vereinslager, Ski – oder Schuellager, für Firmen – Aläss wie z.B. Wiehnachtsässe.
Wänn immer möglich choched mir vor Ort, und susch chömmed mir mitem Ässe ufde Festplatz.
